سوري، بس الـ Creativity" لوحدها مش كفاية.

مش معني إنك شاطر وبتفهم ومبدع وأفكارك جديدة إنك هتقدر تنجو من بحر الغدر المسمي (التطورات السريعة) ومش معني كده بردو إنك تركن علي شط الندالة المليان علشان اكتشفت الحقيقة المرة.

أنا عن نفسي ميخلصنيش أسيبك تايه من مهرجان لمهرجان كده، وهقولك في المقال ده بطريقة سريعة ومختصرة أهم تحديات بيواجهها الـ Digital Marketer اليومين دول... أياً كانت خبرته وشطارته لازم يقابل العوامل دي ويواجهها علشان يقدر يثبت نفسه ويعدي بنجاحه.

ركز معايا بقا علشان تبتدي تفكر بنفسك من دلوقتي ازاي هتقدر تواجه التحديات دي وهتتصرف معاها ازاي وتتغلب عليها كمان.

1- العميل الـ Old Fashioned: بعد الأزمة في الوقت الحالي بدأ أصحاب الشركات أو الـ Business Owners يدركوا أهمية التسويق الإلكتروني مؤخراً، لكن برغم كل ده لسة مش مقتنعين بشكل تام بيه ولا مدركين لأهميته الحقيقية ومش عارفين يفرقوا بين التسويق والمبيعات (Marketing vs. Sales)! وحتي اللي بايخد الخطوة منهم بيكون متردد وقلقان حتي إنه ساعات بيكون (مستخسر) الفلوس اللي بيدفعها للتسويق وشايف إنه الموضوع (أتفه) من كده بكتير أو حتي غير مجدي! ودي من أكبر العقبات اللي بيعاني منها معظم الـ Marketers حالياً.

2- قطر الـ Updates: المجال ده كل ساعة بـ Update حرفياً، كل Platform بتطور من نفسها علشان توفر أكتر وأسهل Options وتستقطب Audience أكبر عندها ولما المنافسة بتحتدم بين الـ Platforms بيكون ليها أثر إيجابي وسلبي علي الـ Users الإيجابي هو الاستمتاع بالـ Options والـ Features الجديدة والسللبي هو استغلالها لعدم القدرة علي مواكبة التغيرات السريعة اللي حاصلة دي!

3- الـ Trust Issues: لو بتسوق لخدمة أو منتج أونلاين يبقي أكيد هتواجه صعوبة في إقناع المستهلك في الثقة فيك وفي منتاجاتك وخصوصاً لو الدفع أونلاين... فلازم تظهر دايماً بصورة الثقة في حد ذاتها وتوثق كلمعاملاتك علشان المستهلك الجديد يطمن لما يشوف المستهلك القديم، والعميل اللي بتسوقله يبتدي يهدي ويتطمن لحركة المبيعات! ..... يتبع